0
0
ചെന്നൈ: വേനൽക്കാലത്ത് പാൽ ഉൽപന്നങ്ങളുടെ വിൽപ്പന 20 ശതമാനം വരെ വർധിപ്പിക്കാൻ പദ്ധതി. പ്രത്യേകിച്ച്, ആവിൻ്റെ ഐസ്ക്രീം, മോർ എന്നിവയുടെ വിൽപ്പന വർധിപ്പിക്കാൻ ആലോചിക്കുന്നതായി ആവിൻ മാനേജിങ് ഡയറക്ടർ വിനീത് പറഞ്ഞു.
തമിഴ്‌നാട് കോഓപ്പറേറ്റീവ് മിൽക്ക് പ്രൊഡ്യൂസേഴ്‌സ് നെറ്റ്‌വർക്ക് (ആവിൻ) ആണ് തമിഴ്‌നാട്ടിലെ ജനങ്ങൾക്ക് പാലും പാലുൽപ്പന്നങ്ങളും വിൽക്കുന്നതിൽ ഏർപ്പെട്ടിരിക്കുന്നത്.
തമിഴ്നാട്ടിൽ ഉടനീളം പാൽ ഉൽപന്നങ്ങൾ വിൽക്കുന്നതിലൂടെ ആവിന് 45 കോടി രൂപ വരെ പ്രതിമാസ വരുമാനം ലഭിക്കുന്നുണ്ട് എന്നാണ് റിപ്പോർട്ടുകൾ.
ഇപ്പോൾ വേനൽകാലം കൂടി ആരംഭിച്ചതിനാൽ പാൽ ഉൽപന്നങ്ങളുടെ വിൽപന 20 ശതമാനം വരെ വർധിപ്പിക്കാനാണ് ആലോചിക്കുന്നത്.
വേനൽക്കാലത്ത് പ്രത്യേകിച്ച് ആവിൻ ഐസ്ക്രീമിന് ആവശ്യക്കാരേറെയാണ്.
തമിഴ്നാട്ടിൽ ചെന്നൈ, അമ്പത്തൂർ, സേലം, മധുര എന്നിവിടങ്ങളിൽ ഐസ്ക്രീം നിർമാണ പ്ലാൻ്റുകളുണ്ട്. ഐസ്ക്രീം, ഗൾപി ഐസ്, ബട്ടർ മിൽക്ക് എന്നിവയുൾപ്പെടെ വലിയ അളവിൽ പാലുൽപ്പന്നങ്ങൾ ഇവിടെ ഉൽപ്പാദിപ്പിക്കുന്നതിനുള്ള നടപടികളാണ് ഇപ്പോൾ സ്വീകരിച്ചിട്ടുള്ളത്.
